நத்தம் :நத்தம் மாரியம்மன் கோயில் மாசித் திருவிழாவை முன்னிட்டு அம்மன் சிம்மன் வாகன நகர்வலம் நடந்தது.கடந்த பிப். 24 அன்று கொடியேற்றத்துடன் விழா துவங்கியது. மறுநாள் சுற்றுப்பகுதியை சேர்ந்த 10 ஆயிரத்துக்கும் மேற்பட்ட பக்தர்கள் கரந்தமலை கன்னிமார் தீர்த்தம் எடுத்து வந்து காப்புக்கட்டி விரதம் துவங்கினர். பிப். 28 ல் அம்மன் மயில் வாகனத்தில் நகர்வலம் சென்றார். மார்ச் 2 அன்று தேர் சட்டம் போடும் நிகழ்ச்சி நடந்தது. விழாவின் ஒன்பதாவது நாளான நேற்று முன்தினம் இரவு அம்மன் சிம்ம வாகனத்தில் எழுந்தருளி நகர்வலம் சென்றார். நாளை காலை பூக்குழி கண் திறக்கும் நிகழ்ச்சி நடைபெறும். இரவு அன்ன வாகனத்தில் எழுந்தருளி நகர்வலம் செல்கிறார். மார்ச் 9 ல் அரண்மனை பொங்கல், மாவிளக்கு, காவடி எடுத்தல், 10 ம் தேதி அக்னிச்சட்டி எடுத்தல் மற்றும் கழுமரம் ஏறுதல் நடைபெறும்.இதையடுத்து விழாவின் முக்கிய நிகழ்ச்சியாக காப்பு கட்டிய பக்தர்கள் பூக்ககுழி இறங்கும் நிழ்ச்சி நடைபெறும். மறுநாள் மஞ்சள் நீராட்டு மற்றும் பூப்பல்லக்கில் அம்மன் நகர்வலத்துடன் விழா நிறைவடையும்.