வீரபாண்டி: நோய் கிருமிகளை அழிக்க, சுவாமி சிலைகளுக்கு, மூலிகை எண்ணெய் குளியல் செய்யப்பட்டுள்ளது. தமிழகம் முழுவதும், அறநிலையத்துறை கட்டுப்பாட்டிலுள்ள கோவில்களில், கொரோனா வைரஸ் குறித்து, விழிப்புணர்வு பேனர் வைத்து, பக்தர்கள் கூடுவதை தவிர்க்க அறிவுறுத்தப்பட்டுள்ளது.

இந்நிலையில், சேலம், உத்தமசோழபுரம், கரபுரநாதர் கோவில் சார்பில், கொரோனா வைரஸ் பாதிப்பிலிருந்து, பக்தர்கள் தற்காத்து கொள்ள கடைப்பிடிக்க வேண்டிய விதிகள், நோயின் அறிகுறிகள், பரவும் வகைகள், தடுக்கும் வழிகள், சிகிச்சை முறை குறித்த விழிப்புணர்வு படங்களுடன், வாசகங்கள் அச்சடிக்கப்பட்டு, பேனர் வைத்துள்ளனர். அத்துடன், மூலவர் கரபுரநாதர், பெரிய நாயகி அம்மன் உள்ளிட்ட கோவில்களிலுள்ள சுவாமி சிலைகளுக்கு, மூலிகை எண்ணெயால் அபி?ஷகம் செய்யப்பட்டுள்ளது. இதனால், சிலைகள் மீது சூரியஒளி பட்டு வெளியேறும் கதிர்களால் அனைத்து வித நோய் கிருமிகளும் அழிக்கப்பட்டு விடும் என, சிவாச்சாரியார்கள் தெரிவித்தனர்.