பவுர்ணமியோடு சேரும் நட்சத்திரத்தின் பெயரே அம்மாதத்தின் பெயராக அமைந்திருப்பதை கவனிக்க வேண்டும். சித்திரை மாதம் சித்திரை நட்சத்திரத்திலும், வைகாசி மாதம் விசாக நட்சத்திரத்திலும், இதுபோல 12 மாதங்களிலுமே பவுர்ணமி நாள் கூடி வருகிறது. சித்ரா பவுர்ணமி, வைகாசி விசாகம் போன்றவை விழாக்களுக்கு உகந்தவையாக ஆகம சாஸ்திரங்கள் கூறுகின்றன. ஒவ்வொரு பவுர்ணமிக்கும் சிறப்பான வரலாறு உண்டு. அந்தந்த கோயிலின் தல வரலாறுகளுக்கேற்ப- இப்படி உற்சவங்கள் நிர்ணயிக்கப்படுகின்றன.