பல்லடம்: பல்லடம் அருகே, கொரோனா வைரஸ் ஒழிய, காமாட்சி அம்மனிடம் வேண்டுதல் வைக்கப்பட்டது.

பல்லடத்தை அடுத்த இடுவாய் கிராமத்தில் உள்ள காமாட்சி அம்மன் கோவிலில், சித்ரா பவுர்ணமியை முன்னிட்டு சிறப்பு பூஜை வழிபாடுகள் நடந்தன. கொரோனா வைரஸ் ஒழிய, நிவாரண பொருள் வைத்து, அம்மனிடம் வேண்டுதல் வைக்கப்பட்டது. பல்வேறு திரவியங்களால், அம்மனுக்கு அபிஷேக பூஜையும், அலங்காரமும் நடந்தது. தொடர்ந்து, வறுமையில் உள்ள, 290 குடும்பங்களுக்கு, அரிசி, பருப்பு, மற்றும் காய்கறி தொகுப்பு உள்ளிட்டவை இலவசமாக வழங்கப்பட்டன.