திருக்கோவிலூர்: திருவரங்கம் அரங்கநாதர் கோவிலில் சுவாமி தரிசனம் செய்ய புரட்டாசி சனிக் கிழமைகளில் பக்தர்களுக்கு அனுமதி மறுக்கப்பட்டுள்ளது. கள்ளக்குறிச்சி மாவட்டத்தில் பிரசித்திபெற்ற வைணவ ஸ்தலங்களில் ஒன்றான ஆதிதிருவரங்கம், அரங்கநாதர் கோவிலுக்கு ஆண்டு தோறும் புரட்டாசி மாதத்தில் தமிழகத்தின் பல்வேறு பகுதிகளில் இருந்தும் ஏராளமான பக்தர்கள் வருவது வழக்கம். குறிப்பாக சனிக் கிழமைகளில் அதிக அளவில் பக்தர்கள் வருகை புரிவார்கள். கொரோனா தடுப்பு முன்னெச்சரிக்கை நடவடிக்கை காரணமாக, கலெக்டர் உத்தரவின் அடிப்படையில், பக்தர்களின் பாதுகாப்பு கருதி, புரட்டாசி மாதம் வரும் அனைத்து சனிக் கிழமைகளிலும் பக்தர்கள் சுவாமி தரிசனம் செய்ய அனுமதி இல்லை என கோவில் நிர்வாகம் சார்பில் தெரிவிக்கப்பட்டுள்ளது.