ஆனைமலை;பொள்ளாச்சி அடுத்துள்ள, ஆனைமலை மாசாணியம்மன் கோவிலில், அமாவாசை இரவு கோவில் நடை சாத்தப்படும், என, கோவில் நிர்வாகம் அறிவித்துள்ளது.கோவை மாவட்டம், பொள்ளாச்சி அடுத்த ஆனைமலை மாசாணியம்மன் கோவிலில், அமாவாசை மற்றும் விசேஷ நாட்களில், தமிழகத்தின் பல பகுதிகளில் இருந்து வரும், பக்தர்கள் தரிசனம் செய்கின்றனர். அமாவாசை இரவு கோவில் நடை சாத்தப்படாமல், பக்தர்கள் வசதிக்காக திறந்திருக்கும்.கொரோனா பரவலை தொடர்ந்து, அமாவாசை இரவு கோவில் நடை சாத்தப்பட்டு வருகிறது. இந்த மாதத்துக்கான அமாவாசை வரும், 12ம் தேதி மதியம் துவங்கி, 13ம் தேதி வரை நீடிக்கிறது. இதையடுத்து, அரசு உத்தரவுப்படி, 12ம் தேதி இரவு, 8:00 மணிக்கு கோவில் நடை சாத்தப்படுகிறது. பக்தர்கள் எப்போதும் போல், பகல் நேரத்தில், காலை, 6:00 முதல், இரவு, 8:00 மணி வரை சுவாமி தரிசனம் செய்யலாம். இத்தகவலை, கோவில் நிர்வாகம் அறிவித்துள்ளது.