இடைப்பாடி: இடைப்பாடி அருகே, வெடிகாரம்பாளையத்தில் நேற்று நடந்த கும்பாபிஷேக விழாவில், ஆயிரக்கணக்கான பக்தர்கள் பங்கேற்றனர். இடைப்பாடி அருகே, வெடிக்காரம்பாளையத்தில் மாரியம்மன் கோவில் உள்ளது. கோவில் திருப்பணிகள் நிறைவு பெற்றதையடுத்து, கும்பாபிஷேகம் நேற்று நடந்தது. முன்னதாக, மூன்று நாட்களாக ஐந்து கால யாகபூஜை நடந்து வந்தது. பூலாம்பட்டி காவிரி ஆற்றில் இருந்து. எடுத்து வந்த காவிரி தீர்த்தத்தை, கோபுர கலசங்கள் மீது, சிவாச்சாரியார்கள் ஊற்றினர். பின்னர், அவை கும்பாபிஷேகத்தில் கலந்து கொண்ட பக்தர்கள் மீது தெளிக்கப்பட்டது. சித்தூர், வெடிக்காரம்பாளையம், இடைப்பாடி உள்ளிட்ட பகுதிகளில் இருந்து, ஏராளமானோர் கலந்து கொண்டனர்.