திண்டுக்கல் : சித்திரைத் திருவிழாவை முன்னிட்டு, பத்மகிரீஸ்வரர் அபிராமியம்மன் கோயிலில் யாழி வாகனத்தில் உலா வந்தனர்.

திண்டுக்கல் அபிராமி அம்மன் கோயில் சித்திரை திருவிழா ஏப்.15ல் கொடியேற்றத்துடன் துவங்கியது. கொரோனா மீண்டும் வேகமாக பரவி வருவதால் ஏப்.10 முதல் அரசு கட்டுப்பாடுகளை விதித்துள்ளது. இது தவிர திருவிழாக்களுக்கும் தடை விதிக்கப்பட்டுள்ளது. இந்நிலையில் ஏப்.15 முதல் 27 ம் தேதி வரை திண்டுக்கல் அபிராமி அம்மன் கோயிலில் சித்திரை திருவிழா நடத்த திட்டமிட்டிருந்தனர். கொரோனா முன்னெச்சரிக்கையாக தேர் வீதியுலா ரத்து செய்யப்பட்டுள்ளது. சுவாமி வீதியுலாவும் கோயில் உட்பிரகாரத்தில் மட்டுமே நடைபெறுகிறது. அதன்படி கோயிலில் பத்மகிரீஸ்வரர், அபிராமியம்மன் கோயிலில் யாழி வாகனத்தில் உலா வந்து அருள்பாலித்தனர். இதில் பக்தர்களுக்கு அனுமதியில்லை. மற்ற நேரங்களில் வழக்கம் போல் சுவாமி தரிசனம் செய்ய அனுமதிக்கப்படுவர்.