மானாமதுரை: மானாமதுரை பெரியகோட்டை அருகே உள்ள தெக்கூரில் மிளகாய் சாந்து சித்தர் முத்திருளாண்டி சுவாமிகளின் குருபூஜை விழாவை முன்னிட்டு சுவாமிகளுக்கு சிறப்பு அபிஷேக ஆராதனைகள், அலங்காரம் செய்யப்பட்டு தீபாராதனை நடைபெற்றது.விழாவில் குழந்தை பாக்கியம் இல்லாத தம்பதிகள் ஏராளமானவர்கள் கலந்து கொண்டு பிரசாதம் பெற்றுச் சென்றனர்.மேலும் பெரியகோட்டை ,வேம்பத்தூர் தெக்கூர்,உள்ளிட்ட சுற்றுப்புற கிராமங்களை சேர்ந்த ஏராளமான பக்தர்கள் கலந்து கொண்டனர். அன்னதானம் நடந்தது.விழாவிற்கான ஏற்பாடுகளை தெக்கூர் மிளகாய் சாந்து சித்தர் முத்திருளாண்டி சுவாமிகள் அறக்கட்டளை நிர்வாகத்தினர் செய்திருந்தனர்.