திருப்புத்துார்: திருப்புத்துார் பூமாயி அம்மன் கோயிலில் வருடாபிஷேகத்தை முன்னிட்டு சிறப்பு வழிபாடு நடந்தது. சப்தமாதர்கள் அமைந்துள்ள இக்கோயிலில் நடுநாயகமாக பூமாயிஅம்மன் அவதரித்துள்ளார். இக்கோயிலின் வருடாபிஷேகத்தை முன்னிட்டு நேற்று காலை 9:00 மணிக்கு மூலவர் அம்மனுக்கு அபிஷேகம் நடந்தது. தொடர்ந்து சந்தனக் காப்பில், தங்கக் கவசத்தில் அம்மன் அருள்பாலித்தார். தொடர்ந்து சிறப்பு அலங்காரத் தீபாராதனை நடந்தது. பக்தர்கள் அம்மன் பெயரால் பாடல்கள் பாடி அம்மனை வழிபட்டனர்.