புதுச்சேரி ; சின்ன சுப்புராயப்பிள்ளை வீதி அங்காள பரமேஸ்வரி கோவில் மயானக் கொள்ளை விழா இன்று நடக்கிறது.

புதுச்சேரி சின்ன சுப்புராயப்பிள்ளை வீதியில் உள்ள அங்காள பரமேஸ்வரி கோவிலில் 45வது ஆண்டு பிரம்மோற்சவ விழா கடந்த 1ம் தேதி விநாயகர் பூஜையுடன் துவங்கியது.தொடர்ந்து தினமும் அம்மனுக்கு சிறப்பு அபிஷேகம், ஆராதனை நடந்து வந்தது. நேற்று அம்மன் சிம்ம வாகனத்தில் எழுந்தருளி வல்லாளன் கோட்டை அழித்தல் நிகழ்ச்சி நடந்தது. திரளான பக்தர்கள் சுவாமி தரிசனம் செய்தனர்.இன்று 7ம் தேதி காலை 6.30 மணிக்கு அம்மனுக்கு சிறப்பு அபிஷேகம், மதியம் 1.௦௦ மணிக்கு தேர் புறப்பாடு, மாலை 6.௦௦ மணிக்கு நரிமேடு மைதானத்தில் மயானக்கொள்ளை விழா நடக்கி றது. 20ம் தேதியுடன் பிரம் மோற்சவ விழா நிறைவு பெறுகிறது.விழா ஏற்பாடுகளை, கோவில் அறங்காவலர் குழு தலைவர் விஜயக் குமார், செயல் அதிகாரி ஜனார்த்தனன் மற்றும் நிர்வாகிகள் செய்துள்ளனர்.