திருப்புத்துார்: திருப்புத்துார் திருத்தளிநாதர் கோயிலில் நேற்று தேய்பிறை அஷ்டமியை முன்னிட்டு யோகபைரவருக்கு சிறப்பு அபிஷேக, ஆராதனைகள் நடந்தன.

குன்றக்குடி திருவண்ணாமலை ஆதீனத்தைச் சேர்ந்த இக்கோயிலில் யோகநிலையில் பைரவர் அருள்பாலிக்கிறார். தேய்பிறை அஷ்டமியை முன்னிட்டு நேற்று காலை 11:30 மணிக்கு மூலவருக்கு 16 வகையான திரவியங்களால் சிறப்பு அபிஷேகம் நடந்தது. பாஸ்கர் குருக்கள் உள்ளிட்ட சிவாச்சார்யர்கள் பூஜைகள் செய்தனர். தொடர்ந்து பைரவர் விபூதிக்காப்பு அலங்காரத்தில் அருள்பாலித்தார். பின்னர் சிறப்பு அலங்காரத் தீபாராதனைகள் நடந்தன. பக்தர்கள் திரளாக பங்கேற்று சாமி தரிசனம் செய்தனர்.