சென்னை : திருவல்லிக்கேணி, பார்த்தசாரதி பெருமாள் கோவில் பிரம்மோற்சவத்தின் நான்காம் நாளான நேற்று, சூரிய, சந்திர பிரபையில், ஸ்ரீதேவி, பூதேவி நாச்சியாருடன் எழுந்தருளிய பார்த்தசாரதி பெருமாள், மாடவீதிகளை வலம் வந்து பக்தர்களுக்கு அருள்பாலித்தார்.

சென்னை திருவல்லிக்கேணியில் அமைந்துள்ள பார்த்தசாரதி பெருமாள் கோவிலில், சித்திரை மாத பிரம்மோற்சவம், 16ம் தேதி கொடியேற்றத்துடன் துவங்கியது. விழாவின் நான்காம் நாளான நேற்று காலை, சூரிய பிரபையிலும், இரவு சந்திர பிரபையிலும் ஸ்ரீதேவி, பூதேவி நாச்சியாருடன் உற்சவர் பார்த்தசாரதி பெருமாள் எழுந்தருளி பக்தர்களுக்கு அருள்பாலித்தார். இன்று பல்லக்கு நாச்சியார் திருக்கோலமும், ஹனுமந்த வாகன புறப்பாடும் நடக்கிறது.