மானாமதுரை: மானாமதுரை அருகே உள்ள கட்டிக்குளத்தில் சவுந்தரநாயகி அம்மனுக்கு 200க்கும் மேற்ப்பட்ட பெண்கள் ஓலைப் பெட்டியில் அசைவ படைகள் கொண்டு சென்று வினோத வழிபாடு செய்தனர்.

மானாமதுரை அருகே கட்டிக்குளம் கிராமத்தில் 50 ஆண்டுகளுக்கு மேலாக அழகிய சவுந்திர நாயகி அம்மனுக்கு கிராமத்து பெண்கள் அசைவ உணவுகளை சமைத்து படையல் வைத்து வழிபாடு செய்து வருகின்றனர். கட்டிக்குளம் கிராமத்தில் உள்ள 200க்கும் மேற்ப்பட்ட பெண்கள் தங்கள் வீடுகளில் இருந்து விநாயகர், மனித பொம்மை, ஜல்லிக்கட்டு காளை,கொடை உள்ளிட்ட பல்வேறு வடிவங்களில் கொழுக்கட்டை மற்றும் கறி,மீன்,கருவாடு,முட்டை போன்ற அசைவ உணவுகளை சமைத்து பாரம்பரியம் மாறாமல் ஓலைப் பொட்டியில் வைத்து விளக்கேற்றி கிராமத்தின் முக்கிய வீதிகள் வழியாக பெண்கள் ஊர்வலமாக எடுத்து வந்தனர். இதன் பின்னர் அழகிய சவுந்திர நாயகி அம்மன் கோயிலை சுற்றி வந்து அசைவ உணவுகளை படையல் வைத்து குலவையிட்டு வழிபாடு செய்தனர். இதனைத் தொடர்ந்துஅழகிய சவுந்திர நாயகி அம்மனுக்கு சிறப்பு பூஜைகள் நடைபெற்றது. பூஜைகள் முடிந்த பின்னர் பெண்கள் தாங்கள் கொண்டு வந்த அசைவ உணவுகளை குடும்பத்தில் உள்ள மற்ற பெண்களுடன் அமர்ந்து சாப்பிட்டு மகிழ்ந்தனர்.