குன்னூர்: குன்னூர் மேல் ஆர்செடின், முனீஸ்வரர் மற்றும் ராஜராஜேஸ்வரி அம்மன் கோவிலில் 21 வது ஆண்டு சமத்துவ கஞ்சி களைய திருவிழா நடந்தது.

விழாவில், ஆர்செடின் ஆற்றங்கரை பகுதியில் இருந்து பக்தர்கள் தீச்சட்டி, கரகம் ஏந்தி கஞ்சி களைய அம்மன் ஊர்வலத்தில் பக்திபரவசத்துடன் பங்கேற்றனர். கிராமங்கள் வழியே சென்ற ஊர்வலம் கோவிலை அடைந்தது. சிறப்பு வழிபாடுகள் நடத்தப்பட்டு, சமத்துவ அன்னதானம் வழங்கப்பட்டது. விழாவில், ஆதரவற்றவர்களுக்கு ஆடைகள், கல்வி உதவி, மருத்துவ உதவி வழங்கப்பட்டது. அரசு லாலி மருத்துவமனைக்கு 150 போர்வைகள் வழங்கப்பட்டன. ஏற்பாடுகளை பார்க்சைட் எஸ்டேட் நிர்வாகிகள், ராஜராஜேஸ்வரி மன்றத்தினர், அனைத்து ஊர் மக்கள் செய்திருந்தனர்.