ஸ்ரீகாளஹஸ்தி: திருப்பதி மாவட்டம் ஸ்ரீகாளஹஸ்தி சிவன் கோயிலுக்கு நெல்லூர் மாவட்டத்தைச் சேர்ந்த (ஸ்ரீரங்கம் பால்) தனியார் பால் நிறுவன உரிமையாளர் ஸ்ரீநிவாசலு என்பவர் ஸ்ரீகாளஹஸ்தி சிவன் கோயில் வளாகத்தில் வீற்றிருக்கும் ஸ்ரீ ஞான பிரசுனாம்பிகை தாயாருக்கு சுமார் 12,49,209 ரூபாய் மதிப்புள்ள  ஐம்பொன்னால் செய்யப்பட்ட மணி யை கோயில் அதிகாரிகள் மற்றும் காளஹஸ்தி தொகுதி எம்எல்ஏ மதுசூதன் ரெட்டி முன்னிலையில் காணிக்கையாக வழங்கினார்.

இதனை ஸ்ரீகாளஹஸ்தி சிவன் கோயில் வேதப் பண்டிதர்கள் , அறங்காவலர் குழு தலைவர் அஞ்சூரு. தாரக சீனிவாசுலு மற்றும் ஸ்ரீகாளஹஸ்தி தொகுதி எம்எல்ஏ மதுசூதன் ரெட்டி மற்றும் கோயில் அதிகாரிகள், அர்ச்சகர்கள் சிறப்பு பூஜைகள் செய்தனர். இந்த மணியை ஞானப் பிரசூனாம்பிகை மூலவர் சன்னதி அருகில் பொருத்தப்பட்டுள்ளது இது ஐம்பொன்னாலானது என்பதால் மிக பலத்த ஒலி எழுப்புகிறது என்று கோயில் அர்ச்சகர்கள் தெரிவித்தனர்.முன்னதாக காணிக்கையாளரான ஸ்ரீனிவாசலு க்கு கோயில் அதிகாரிகள் சிறப்பு தரிசன ஏற்பாடுகளை செய்ததோடு கோயிலுக்குள் சென்றவர்கள் சிறப்பு பூஜைகளை ஞான பிரசுனாம்பிகா சமேத ஸ்ரீ காளாஸ்திரிஸ்வரரின் மூலவர் சன்னதியில் நடத்தினர் என்பது குறிப்பிடத்தக்கது.