நாகர்கோவில், நவராத்திரி பூஜைகளுக்காக திருவனந்தபுரம் சென்று திரும்பிய சுசீந்திரம் முன்னுதித்த நங்கை விக்ரகத்துக்கு போலீசார் துப்பாக்கி ஏந்தி மரியாதை செலுத்தினர். மன்னர் கால வழக்கபடி திருவனந்தபுரத்தில் நடைபெற்ற நவராத்திரி விழாவுக்காக சரஸ்வதிதேவி, வேளிமலை முருகன், சுசீந்திரம் முன்னுதித்த நங்கை சுவாமி விக்ரங்கள் கடந்த மாதம் 23–ம் தேதி பத்மனாபபுரத்தில் இருந்து பவனியாக புறப்பட்டு சென்றது. நவராத்திரி பூஜை முடிந்து கடந்த ஏழாம் தேதி புறப்பட்ட பவனி நேற்று பத்மனாபபுரம் வந்தடைந்தது. இங்கிருந்து இன்று காலை புறப்பட்ட சுசீந்திரம் முன்னுதித்த நங்கை விக்ரகம் பல்லக்கில் சுசீந்திரம் வந்த போது போலீசார் துப்பாக்கி ஏந்தி மரியாதை செலுத்தினர். பின்னர் தெப்பக்குளக்கரையில் அமைந்துள்ள கோயிலுக்கு தேவி எழுந்தருளி வழக்கமான பூஜைகள் நடைபெற்றது.