மேட்டுப்பாளையம்: மைதானம் மாரியம்மன் கோவில் உண்டியலில், 22 ஆயிரத்து, 464 ரூபாய் வசூல் ஆனது.

மேட்டுப்பாளையம் காந்தி மைதானத்தில், மைதானம் மாரியம்மன் கோவில் உள்ளது. இக்கோவில், காரமடை அரங்கநாதர் கோவில் நிர்வாகத்திற்கு உட்பட்டதாகும். கடந்த ஆறு மாதங்களுக்கு முன்பு, கோவில் உண்டியல் காணிக்கை எண்ணப்பட்டது. நேற்று காலை கோவில் உண்டியலில் உள்ள காணிக்கை, எண்ணும் பணிகள், காரமடை அரங்கநாதர் கோவில் செயல் அலுவலர் லோகநாதன் தலைமையில் நடந்தது. கோவில்களின் ஆய்வாளர் ஹேமலதா, அலுவலர்கள், பக்தர்கள் ஆகியோர், காணிக்கை எண்ணும் பணியில் ஈடுபட்டனர்.
உண்டியலில் மொத்தமாக, 22 ஆயிரத்து, 464 ரூபாய் பக்தர்கள் காணிக்கை இருந்தது. மீண்டும் உண்டியல் சீல் வைத்து கோவில் வளாகத்தில் வைக்கப்பட்டது.