உளுந்துார்பேட்டை : உளுந்துார்பேட்டையில் அக்னி பெரியாயி அம்மனுக்கு ஆயிரம் முட்டைகள் படையலிடப்பட்டது.

உளுந்துார்பேட்டையில் விருத்தாசலம் சாலையில் அக்னி பெரியாயி அம்மன் கோவிலில் தை அமாவாசையை முன்னிட்டு படையலிடும் திருவிழா நடந்தது. அதனையொட்டி அம்மனுக்கு நேற்று முன்தினம் இரவு பல்வேறு அபிஷேகங்கள் நடந்தன. பின்னர் அம்மனுக்கு ஆயிரம் முட்டைகள் மற்றும் மீன், இறைச்சி வகைகளை வைத்து வழிபட்டனர். அதனைத் தொடர்ந்து தீபாராதனை நடந்தது. இதில் ஏராளமான பக்தர்கள் கலந்து கொண்டு சுவாமியை வழிபட்டனர். அதேபோல் உளுந்துார்பேட்டையில் அம்மச்சார் அம்மன் கோவில் தெரு பகுதியில் உள்ள அங்காளம்மன் கோவிலில் நேற்று முன்தினம் இரவு சிறப்பு பூஜைகள், வழிபாடு நடந்தது. அப்போது பக்தர்கள் தீச்சட்டி ஏந்தி கோவில் வளாகத்தை வலம் வந்து வழிபட்டனர்.