காஞ்சிபுரம் காஞ்சிபுரம் சங்கர மடத்தின் 70வது பீடாதிபதியாக பொறுப்பேற்று பக்தர்களுக்கு நல்லாசி வழங்கி வரும் ஸ்ரீ விஜயேந்திர சரஸ்வதி சுவாமிகளின் 55வது ஜெயந்தி விழா நேற்று விமரிசையாக கொண்டாடப்பட்டது.

விழாவை முன்னிட்டு காமாட்சி அம்மன் கோயிலில் தங்கத்தில் வைரக்கல் பதிக்கப்பட்ட ஹஸ்தம் சிறப்பு பூஜை செய்யப்பட்டது. கோயிலில் இருந்து காலை 8:00 மணிக்கு ஹஸ்தம் ஊர்வலமாக சென்றது. அங்கு சங்கர மடம் பிருந்தாவனத்தில் அமைந்துள்ள காஞ்சி மஹா பெரியவர் திருமேனியில் காலை 9:00 மணிக்கு ஹஸ்தம் பொருத்தப்பட்டது. இதையடுத்து காஞ்சி மஹா பெரியவர் திருமேனிக்கு திருமஞ்சனம் நடந்தது. சிறப்பு தீபாரதனை நிகழ்ச்சியில் ஏராளமான பக்தர்கள் தரிசனம் செய்தனர். ஸ்ரீ விஜயேந்திர சரஸ்வதி சுவாமிகள் தற்போது ஆந்திர மாநிலத்தில் விஜய யாத்திரி பயணம் மேற்கொண்டு வருகிறார்.