நெல்லிக்குப்பம் : நெல்லிக்குப்பம், திடீர்குப்பம் அங்காளம்மன் கோவிலில் மயானக்கொள்ளை உற்சவம் நடந்தது.

இதனை முன்னிட்டு கடந்த 7ம் தேதி கொடியேற்றப்பட்டது. சக்தி கரகம் வீதியுலா, சாகை வார்த்தல் உற்சவம் நடந்தது. கடந்த 9ம் தேதி அங்காளம்மன், பாவாடைராயன், வீரபத்திரன், காட்டேரி வேடங்கள் அணிந்து பக்தர்கள் வந்தனர். அம்மன் சிறப்பு அலங்காரத்தில் எழுந்தருள மயானகொள்ளை உற்சவம் நடந்தது. பக்தர்கள் நாணயங்கள், வேளாண் விளைபொருட்களை சூறையிட்டு நேர்த்திக்கடன் செலுத்தினர். இரவு அம்மன் சிறப்பு அலங்காரத்தில் வீதியுலா வந்து அருள்பாலித்தார். இன்று மஞ்சள் நீர் உற்சவம் நடக்கிறது. பூஜைகளை பிரபாகரன் பூசாரி செய்தார்.