காளஹஸ்தி: சித்தூர், ஐரால  மண்டலம் காணிப்பாக்கம் ஸ்ரீவரசித்தி விநாயகர் கோவிலில்  உள்ள ஆஸ்தான மண்டபத்தில் இன்று(சனிக்கிழமை) சங்கடஹர சதுர்த்தி விரத சிறப்பு பூஜைகள் நடைபெற்றது. இதற்காக கோயில் அதிகாரிகள் அனைத்து ஏற்பாடுகளும் செய்யப்பட்டு இருந்தனர். இதில் ஏராளமான பக்தர்கள் கலந்து கொண்டு விநாயகரை வழிபட்டனர் .
இதே போல் ஸ்ரீ காளஹஸ்தி சிவன்  கோயில் வளாகத்தில் உள்ள அஞ்சிஅஞ்சி விநாயகர் சன்னதியில் (கன்னி மூல கணபதி) சங்கடஹர சதுர்த்தசி பூஜைகள் நடைபெற்றது .முன்னதாக கோயில் அர்ச்சகர்கள் யாகம் வளர்த்து கணபதி ஹோமம் நடத்தப்பட்டது . சிறப்பு கலசம் ஏற்பாடு செய்து யாகத்தில் பூர்ணாயூதியை தொடர்ந்து  கோயில் அர்ச்சகர்கள் சிறப்பு ஹோம பூஜைகளை நடத்தினர் .இதில் கோயில் அதிகாரிகள் ஊழியர்கள் உட்பட ஏராளமான பக்தர்கள் கலந்து கொண்டு விநாயகரை தரிசனம் செய்தனர்.