ஆனைமலை:ஆனைமலை மாசாணியம்மன் கோவிலில், உண்டியல் காணிக்கையாக, 84 லட்சத்து, 14 ஆயிரத்து, 191 ரூபாய் இருந்தது.

ஆனைமலையில் உள்ள, பிரசித்தி பெற்ற மாசாணியம்மன் கோவிலுக்கு, உள்ளூர் மட்டுமின்றி, வெளியூர்களில் இருந்தும் பக்தர்கள் அதிகளவு வந்து செல்கின்றனர். பக்தர்கள் காணிக்கை செலுத்துவதற்காக, கோவில் வளாகத்தில் நிரந்தர மற்றும் தட்டு காணிக்கை உண்டியல்கள் வைக்கப்பட்டுள்ளன. இந்த உண்டியல்கள் திறக்கப்பட்டு, பக்தர்கள் செலுத்திய காணிக்கை எண்ணும் பணி நடந்தது. அதில், பக்தர்கள், தன்னார்வலர்கள் பங்கேற்றனர். தட்டு காணிக்கை உண்டியலில், 11 லட்சத்து, 82 ஆயிரத்து, 624 ரூபாய், நிரந்தர உண்டியலில், 72 லட்சத்து, 31 ஆயிரத்து, 567 ரூபாய், என, மொத்தம், 84 லட்சத்து, 14 ஆயிரத்து, 191 ரூபாய் இருந்தது. மேலும், தங்கம், 362.300 கிராம், வெள்ளி, 729 கிராமும் இருந்தது. உண்டியல் காணிக்கை எண்ணிக்கையின் போது, கோவில் நிர்வாகத்தினர் உடனிருந்தனர்.