மேட்டுப்பாளையம்: ஆலாங்கொம்பில் உள்ள செல்வ விநாயகர் மற்றும் பிரகதீஸ்வரர் கோவிலில், மண்டல பூஜை நிறைவு விழா நடந்தது.

மேட்டுப்பாளையம்- சிறுமுகை சாலையில், ஆலாங்கொம்பு வீராசாமி நகர் அருகே, எஸ்.ஐ.வி., தொழிலாளர் குடியிருப்பு காலனி உள்ளது. இங்கு செல்வ விநாயகர் மற்றும் பிரகதீஸ்வரர் கோவில் மற்றும் பரிவார சுவாமிகளின் சன்னதிகள் உள்ளன. எஸ்.ஐ.வி., காலனி பொதுமக்கள், முன்னாள் மாணவர்கள் அமைப்பினர், முன்னாள் குடியிருப்போர் அமைப்பினர் ஆகியோர் இணைந்து, இக்கோவிலில் திருப்பணிகளை செய்தனர். இம்மாதம் மூன்றாம் தேதி கோவிலில் கும்பாபிஷேகம் விழா நடைபெற்றது. இதை அடுத்து மண்டல பூஜை தொடர்ந்து நடைபெற்று வந்தது. நேற்று மண்டல பூஜை நிறைவு விழா நடந்தது. சுவாமிக்கு சிறப்பு அலங்காரம் செய்து, பூஜை செய்தனர். இதில் ஏராளமான பக்தர்கள் பங்கேற்றனர். விழாவில் பக்தர்களுக்கு அன்னதானம் வழங்கப்பட்டது.