திருக்கோவிலூர்: அரகண்டநல்லூர் அதுல்ய நாதேஸ்வரர் கோவிலில் சௌந்தர்ய கனகாம்பிகை சமேத அதுல்ய நாதேஸ்வரர் ஊஞ்சல் சேவையில் பக்தர்களுக்கு அருள் பாலித்தார்.

அரகண்டநல்லூர், அதுல்யநாதேஸ்வரர் கோவிலில் அமாவாசை சிறப்பு வழிபாட்டை முன்னிட்டு, நேற்று காலை 9:00 மணிக்கு, மூலமூர்த்திகளுக்கு அபிஷேகம், அலங்காரம், தீபாராதனை நடந்தது. மாலை 6:00 மணிக்கு அலங்கரிக்கப்பட்ட சவுந்தர்ய கனகாம்பிகை சமேத அதுல்ய நாதேஸ்வரர் மூலஸ்தானத்தில் இருந்து புறப்பாடாகி ஊஞ்சல் மண்டபத்தில் எழுந்தருளி சிவ பக்தர்களால் பதிகம் பாடி, சோடசோபவுபச்சார தீபாராதனை நடந்தது. இதில் ஏராளமான பக்தர்கள் கலந்து கொண்டு சுவாமியை வழிபட்டனர்.