பெரியகுளம்: பெரியகுளம் போலீஸ்காரர்களின் குடும்பத்தினர் காவல் தெய்வமான வீச்சு கருப்பணசுவாமி கோயில் சித்திரை திருவிழா மறுபூஜையுடன் நேற்று நிறைவடைந்தது. வீச்சு கருப்பணசுவாமி தனது தாயாரை சந்திக்கும் நிகழ்வு நடந்தது.

பெரியகுளம் தென்கரை கச்சேரி ரோட்டில் வீச்சுகருப்பணசாமி கோயில் உள்ளது பெரியகுளம் சப்- டிவிஷனுக்கு உட்பட்ட காவல்துறை குடும்பத்தினர் இதனை நிர்வகிக்கின்றனர். போலீஸ் ஸ்டேஷனுக்கு பணிக்கு வரும் டி.எஸ்.பி., முதல் போலீஸ்காரர் வரை வீச்சு கருப்பணசுவாமி கோயிலில் பொங்கல் வைத்து பணியை தொடர்கின்றனர். போலீசார்களுக்கு காவல் தெய்வமாக துணை நிற்பதாக ஐதீகம்.‌ நேர்த்திக்கடன் நிறைவேறியவுடன் அரிவாள் செய்தல் கிடாவெட்டி வழிபடுகின்றனர். மே 2, மே 3, மே 4 ஆகிய 3 நாட்கள் திருவிழா நடந்தது. தாயை வணங்கிய வீச்சுகருப்பண சுவாமி: பூச்சி முதல் மனிதர்கள் வரை அனைத்து உயிரினங்களும் தாய் பாசத்திற்கு கட்டுப்பட்டவர்கள். இதற்கு தெய்வமும் விதி வழக்கல்ல என்பதை வகையில் உணர்த்தும் வகையில் நேற்று மறுபூஜையன்று வீச்சுகருப்பண சுவாமி கோயில் வளாகத்தில் தனது வலது புறம் வீற்றிருக்கும் சாந்த கீர்த்தினி அன்னையை வழிபடும் நிகழ்வை பூசாரிகள் முருகன், வினோத் செய்துகாட்டினர். ஏராளமான போலீசார்கள் குடும்பத்துடன், குறிப்பாக இந்த நிகழ்வை முன்னிட்டு தாயுடன் ‌வந்திருந்தனர். அன்னதானம் வழங்கப்பட்டது. ‌