அனுப்பர்பாளையம்: திருப்பூர், அடுத்த பெருமாநல்லூரில் புகழ்பெற்ற கொண்டத்து காளியம்மன் கோவில் உள்ளது. கோவில் உண்டியல் காணிக்கை எண்ணும் பணி நேற்று நடைபெற்றது. அறநிலையத்துறை மாவட்ட உதவி ஆணையர் செந்தில்குமார், செயல் அலுவலர் காளிமுத்து, தக்கார் பெரிய மருது பாண்டியன், ஆகியோர் முன்னிலையில் உண்டியல் திறக்கப்பட்டது. இதில், 20 லட்சத்து, 75 ஆயிரத்து, 780 ரூபாய், 98.100 மில்லி கிராம் தங்கம், 323.150 மில்லி கிராம் வெள்ளி ஆகியவற்றை பக்தர்கள் காணிக்கையாக செலுத்தி இருந்தனர். காணிக்கை எண்ணும் பணியில் திருப்பூர், பிச்சம்பாளையம் புதூர் மகாவிஷ்ணு சேவா சங்கம் மற்றும் பெருமாநல்லூர் கே.எம்.சி பள்ளி மாணவர்கள் ஆசிரியர்கள் ஈடுபட்டனர்.