வத்திராயிருப்பு;  சதுரகிரி சுந்தரமகாலிங்கம் கோயிலில் வைகாசி மாத பவுர்ணமி வழிபாட்டிற்காக இன்று (ஜூன் 1)முதல் ஜூன் 4 வரை நான்கு நாட்கள் பக்தர்கள் சுவாமி தரிசனம் செய்ய அனுமதிக்கப்படுவார்கள் என கோயில் நிர்வாகம் தெரிவித்துள்ளது. இக்கோயிலில் பவுர்ணமி மற்றும் அமாவாசையை முன்னிட்டு பிரதோஷ நாள் முதல் நான்கு நாட்கள் பக்தர்கள் சுவாமி தரிசனம் செய்ய அனுமதிக்கப்படுவது வழக்கம். அதன்படி வைகாசி மாத பவுர்ணமி வழிபாட்டிற்காக, பிரதோஷ நாளான இன்று முதல் ஜூன் 4 வரை, தினமும் காலை 7: 00 மணி முதல் மதியம் 12: 00 மணி வரை பக்தர்கள் மலையேற அனுமதிக்கப்படவுள்ளனர். வெயிலின் தாக்கம் தொடரும் நிலையில், பக்தர்கள் எளிதில் தீப்பற்றும் பொருட்களை கொண்டு செல்வதை தவிர்க்க வேண்டுமென வனத்துறை வேண்டுகோள் விடுத்துள்ளது.