ஆர்.எஸ்.மங்கலம்: ஆர்.எஸ்.மங்கலம் அருகே உப்பூர் வெயிலுகந்த விநாயகர் கோயில் கும்பாபிஷேகம் ஜூன் 8ல் நடைபெறுகிறது. இந்த நிலையில், கும்பாபிஷேக விழாவையொட்டி யாகசாலை பூஜையின் துவக்கமாக, இன்று காலை 10:00 மணிக்கு மூலவர் விநாயகருக்கு சிறப்பு அபிஷேக ஆராதனைகள் செய்யப்பட்டு கணபதி ஹோமம், வாஸ்து சாந்தி பூஜைகள் நடைபெற்றன. கோயில் கருவறை முன்பு யாக குண்டம் அமைக்கப்பட்டு, கணபதி ஹோம பூஜைகள் நடைபெற்றன. சிவாச்சாரியார்கள் வேத மந்திரங்கள் முழங்க நடைபெற்ற சிறப்பு யாக பூஜையில், ராமநாதபுரம் தேவஸ்தான திவான், ஜமீன்தார், கோயில் திருப்பணி குழு நிர்வாகிகளும், பக்தர்களும் கலந்து கொண்டனர். கும்பாபிஷேக ஏற்பாடுகளை கோயில் திருப்பணி குழு நிர்வாகிகள் செய்து வருகின்றனர்.