திருநெல்வேலி: நெல்லையப்பர் கோயில் ஆனித் தேர் திருவிழாவை முன்னிட்டு பந்தல் அமைக்கும் பணி துவங்கியுள்ளது. காந்திமதி அம்பாள் சமேத நெல்லையப்பர் கோயிலில் ஆனித் தேரோட்ட திருவிழா வரும் 24ம் தேதி கொடியேற்றத்துடன் துவங்குகிறது. ஜூலை 2ம் தேதி ஆனித் தேரோட்டம் நடக்கிறது. தேரோட்டத்தை முன்னிட்டு 10 நாட்கள் திருவிழா நடக்கிறது. தேரோட்டத்திற்கான முன்னேற்பாடு பணிகள் கோயில் மற்றும் ரதவீதிகளில் நடக்கிறது. நெல்லையப்பர் கோயில் முன் ஆனித் தேர் திருவிழாவுக்காக அலங்கார பந்தல் அமைக்கும் பணிகள் துவங்கி நடந்து வருகிறது.

போக்குவரத்துக்கு தடை: ஆனித் தேர் திருவிழாபந்தல் அமைக்கும் பணிகள் மற்றும் இதர முன்னேற்பாடுகள் நடந்து வருவதால் ரதவீதிகளில் பஸ் உள்ளிட்ட இதர வாகனங்கள் போக்குவரத்துக்கு தடைவிதிக்கப்பட்டுள்ளது. பஸ்கள் மற்றும் இதர வாகனங்கள் பாரதியார் தெரு வழியாக திருப்பி விடப்பட்டுள்ளன.