செஞ்சி: செஞ்சி அருணாச்சல ஈஸ்வரர் கோவிலில் ஆனி திருமஞ்சன விழா நடந்தது. செஞ்சி பீரங்கிமேடு அபிதகுஜலாம்பாள் சமேத அருணாச்சலேஸ்வரர் கோவிலில் நேற்று ஆனி உத்திர நட்சத்திரத்தை முன்னிட்டு திருமஞ்சனம் நடந்தது. இதை முன்னிட்டு நேற்று அதிகாலை 3 மணிக்கு திருமுறை கழகத்தினர் நடராஜர், சிவகாமி அம்மன், மாணிக்க வாசகருக்கு விபூதி, சந்தனம், பன்னீர், வெட்டி வேர், ஜவ்வாது உள்ளிட்ட திரவியங்களை கொண்டு சிறப்பு அபிஷேகம் செய்தனர். காலை 9 மணிக்கு அபிஷேகம் நிறைவடைந்து நடராஜர், சிகாமி அம்மன், மாணிக்க வாசகருக்கு சிறப்பு அலங்காரமும், மகா தீபாராதனையும் நடந்தது. இதில் கோவில் நிர்வாகத்தினர் மற்றும் திரளான பக்தர்கள் கலந்து கொண்டனர். பக்தர்களுக்கு பிரசாத வினியோகம் செய்தனர்.