ஆத்தூர்: ஆத்தூர் சின்ன வண்டிகாளியம்மன் கோயில் திருவிழாவில், எருமை, பன்றி பலியிட்டு நேர்த்திக் கடன் செலுத்துதல் நடந்தது.

திண்டுக்கல் மாவட்டம், செம்பட்டி அருகே ஆத்தூர் நந்தனார் தெருவில் சின்ன வண்டி காளியம்மன் கோயில் திருவிழா நடந்தது. இக்கோயில் திருவிழா, அக்கரைப்பட்டியில் கரகம் பாலித்தலுடன் துவங்கியது. நேற்று முன்தினம் அம்மன் ஊர்வலத்தை தொடர்ந்து, ஏராளமான பக்தர்கள் அக்னிசட்டி எடுத்தல், பொங்கல் வைத்தல் உள்ளிட்ட நேர்த்தி கடன்களை செலுத்தினர். தொடர் அன்னதானம் நடந்தது. நேற்று விழாவின் முக்கிய நிகழ்ச்சியாக, கிராம நேர்த்திக் கடன் செலுத்துதல் நடந்தது. முன்னதாக கோயில் முன்பாக குழி தோண்டப்பட்டு அதன் அருகே சிறப்பு பூஜைகள் நடந்தது. பன்றி, எருமை, சேவல் ஆகியவற்றுக்கு சிறப்பு பூஜைகள் நடத்தப்பட்டு, பலியிடப்பட்டன. பின்னர், அவை கோயில் முன்பிருந்த குழியில் இட்டு மூடப்பட்டது. விழா நிறைவாக, அம்மன் பூஞ்சோலை புறப்பாடு நடந்தது.