பெங்களூரு: ஜேபி நகரில் உள்ள ஸ்ரீ சத்ய கணபதி ஷீரடி சாய்பாபா கோவிலில் குருபூர்ணிமா விழா ஜூலை 3 ஆம் தேதி கொண்டாடப்படுகிறது.

ஷீரடி சாய்பாபாவிற்கு சிறப்பு அலங்காரங்கள் மற்றும் சிறப்பு வழிபாட்டிற்கு ஏற்பாடு செய்யப்பட்டுள்ளன. கோயில் பல்வேறு பூக்கள், பாதாம், பேரீச்சம்பழம், பழங்களால் சிறப்பு அலங்காரம் செய்யப்பட்டு வருகிறது. குரு பூர்ணிமா அன்று, ஷீரடி சாய்பாபாவுக்கு அபிஷேகம், ஹோமம், பிரசாத சேவை, சர்வ சேவை உள்ளிட்ட அனைத்து வகையான வழிபாட்டு முறைகளும் நடைபெறுகிறது. திங்கள்கிழமை காலை முதல் இரவு வரை தொடர்ந்து பக்தர்களுக்கு பிரசாதம் வழங்கப்பட உள்ளதாக கோயில் அறக்கட்டளை நிர்வாகக் குழு தெரிவித்துள்ளது. விழா ஏற்பாடுகளை சத்ய கணபதி ஷீரடி சாய் அறக்கட்டளை நிர்வாகக்தினர் செய்து வருகின்றனர். அனைத்து சமூகத்தினரும் பாகுபாடின்றி வழிபடலாம் என்று அறக்கட்டளைத் தலைவர் லோக்ராஜ் வேண்டுகோள் விடுத்தார்.