துடியலூர்: துடியலூர் அருகே உள்ள வடமதுரையில் தமிழ்நாடு பிராமணர் சங்கம் துடியலூர் கிளை சார்பில், ராதா கல்யாண மகோத்சவ விழா நடந்தது. துடியலூர் அருகே உள்ள வடமதுரை எஸ்.எஸ். கமலேஷ் திருமண மண்டபத்தில் மூன்று நாள் விழாவாக கொண்டாடப்பட்டது. முதல் நாள் கணபதி ஹோமம், பார்வதி ஹோமம், சௌபாக்ய லட்சுமி ஹோமம் உள்ளிட்டவை நடந்தன. தொடர்ந்து, மதியம் ’இன்றைய சூழ்நிலையில் முதுமை சுகமே, சுமையே’ என்ற தலைப்பில் பட்டிமன்றம் நடந்தது. மாலை சரஸ்வதி நாட்டிய கலாஷேத்ரா சார்பில் நாட்டியம் நடந்தது. தொடர்ந்து, கல்யாண் குழுவினரின் பக்தி பாடல்கள், இசை நிகழ்ச்சி நடந்தது. இரண்டாம் நாள் விஷ்ணு சகஸ்ர நாம பாராயணம், பரதநாட்டியம், வித்ய விகாஷினி வாய்ப்பு பள்ளி மாணவ மாணவியருக்கு சீருடைகள் வழங்குதல், நாம சங்கீர்த்தனம் நடந்தது. மூன்றாம் நாள் காலை, 10.00 மணிக்கு சென்னை ஆதித்யா ரமேஷ் பாகவதர் குழுவினரின் ராதா கல்யாண மகோத்சவம் நடந்தது. நிகழ்ச்சிக்கான ஏற்பாடுகளை தமிழ்நாடு பிராமணர் சங்கம் துடியலூர் கிளை செய்து இருந்தது.