அன்னூர்; மூக்கனூர் சவுடேஸ்வரி அம்மன் கோவில் திருவிழா நாளை துவங்குகிறது. மூக்கனூரில் பழமையான சவுடேஸ்வரி அம்மன் கோவில் திருவிழா நாளை துவங்குகிறது. நாளை இரவு 10:00 மணிக்கு சாமுண்டி அழைத்தல் நடக்கிறது. வரும் 2ம் தேதி அதிகாலை அலகு சேவை மற்றும் வீரமுட்டி வேஷங்களுடன் சக்தி அழைத்தல் நடக்கிறது. காலை 10:00 மணிக்கு பஜனை நடக்கிறது. மதியம் 12:00 மணிக்கு அபிஷேக பூஜை, அலங்கார பூஜையும், மாலை 4:00 மணிக்கு அம்மன் சிம்ம வாகனத்தில் திருவீதி உலா வருதலும் நடக்கிறது. இரவு 9:00 மணிக்கு கைப்பந்து போட்டி நடக்கிறது. வரும் 3ம் தேதி மாலை 6:00 மணிக்கு அனுப்பட்டி பழனிச்சாமி, வள்ளி முருகன் கலைக்குழுவின், கும்மியாட்டம் நடக்கிறது. விழாவில் பங்கேற்று இறையருள் பெற கோவில் நிர்வாகிகள் அழைப்பு விடுத்துள்ளனர்.