அன்னூர்: அன்னூர் வட்டாரத்தில் அம்மன் கோவில்களில் பவுர்ணமி பூஜை நேற்று நடந்தது.

ஆடி மாத பவுர்ணமியை முன்னிட்டு, நேற்று அன்னூர், ஓதிமலை சாலையில் உள்ள பெரிய அம்மன் கோவிலில் மதியம் பல்வேறு திரவியங்களால் அம்மனுக்கு அபிஷேக பூஜையும், அலங்கார பூஜையும் நடந்தது. திரளான பக்தர்கள் பங்கேற்றனர். அன்னூர் மன்னீஸ்வரர் கோவிலில் உள்ள அருந்தவ செல்வி அம்மன் சன்னதியில் பவுர்ணமியை முன்னிட்டு சிறப்பு வழிபாடு நடந்தது. மாரியம்மன் கோவில், அங்காளம்மன் கோவில், பிள்ளையப்பம் பாளையம் செல்வநாயகி அம்மன் கோவில், கோவில்பாளையம் கவைய காளியம்மன் கோவில் ஆகிய கோவில்களில் நேற்று மதியம் மற்றும் மாலையில் சிறப்பு வழிபாடு நடந்தது.