செஞ்சி: செஞ்சி கோட்டை பூவத்தம்மனுக்கு 108 பால்குட அபிஷேகம் நடந்தது.

செஞ்சி கோட்டையில் உள்ள பூவத்தாம்மன், செல்லியம்மனுக்கும் 33 வது ஆண்டாக ஆடி பவுர்ணமியை முன்னிட்டு 108 பால்குடம் அபிஷேகம் நடந்தது. இதை முன்னிட்டு நேற்று காலை 11 மணிக்கு செஞ்சி கிருஷ்ணாபுரம் மாரியம்மன் கோவிலில் இருந்து சக்தி கரகமும், 108 பால் குடங்களுடன் பெண்கள் பூவத்தம்மன் கோவிலுக்கு ஊர்வலமாக வந்தனர். பூவாத்தம்மனுக்கும், செல்லியம்மனுக்கும் பால் அபிஷேகம் செய்தனர். சிறப்பு அலங்காரமும், மகா தீபாராதனையும் நடந்தது. பக்தர்களுக்கு அன்னதானம் வழங்கினர். இதில் திரளான பக்தர்களும், நிர்வாக கமிட்டியினரும் கலந்து கொண்டனர்.