சூலூர்: ஆடி வெள்ளியை முன்னிட்டு, சூலூர் வட்டார கோவில்களில் ஏராளமான பக்தர்கள் பங்கேற்று வழிபட்டனர்.

ஆடி பெருக்கு பண்டிகையை ஒட்டி, சூலூர் வட்டார கோவில்களில் சிறப்பு அபிஷேக, அலங்கார பூஜைகள் நடந்தன. சின்னியம்பாளையம் மங்களாம்பிகை அம்மன் கோவில், சூலூர் சிவன் கோவில், மேற்கு அங்காளம்மன், பெரிய மாரியம்மன், அத்தனூர் அம்மன், கணியூர் மாரியம்மன் கோவில், காட்டூர் மாகாளியம்மன் கோவில் உள்ளிட்ட கோவில்களில் நடந்த பூஜையில் பக்தர்கள் பங்கேற்று வழிபட்டனர். அரசூர் மாரியம்மன் கோவிலில் சிறப்பு அபிஷேக, அலங்கார பூஜை நடந்தது. சிறப்பு அலங்காரத்தில் மாரியம்மன் பக்தர்களுக்கு அருள்பாலித்தார்.