புதுச்சேரி;  திண்டிவனம் சாலை டோல்கேட் அருகில் இரும்பையில் அமைந்துள்ள பாலாதிரிபுரசுந்தரி கோவிலில் நேற்று பவுர்ணமி பூஜை நடந்தது. பவுர்ணமி விழாவையொட்டி நேற்று காலை 11 மணிக்கு அம்மனுக்கு அபிஷேகம் நடந்தது. தொடர்ந்து சிறப்பு அலங்காரத்தில் அம்மன் அருள்பாலித்தார். மாலை 7 மணிக்கு பவுர்ணமி நவாவரண பூஜையை தொடர்ந்து தீபாராதனை காண்பிக்கப்பட்டது. இரவு நடந்த தேர் உள்புறப்பாட்டில் பாலாதிரிபுரசுந்தரி அம்மன், பக்தர்களுக்கு அருள்பாலித்தார். ஏராளமான பக்தர்கள்
சாமி தரிசனம் செய்தனர்.