சின்னதடாகம்; சின்னதடாகம் அருகே உள்ள பெரிய தடாகம் லலிதாம்பிகை அம்மன் திருக்கோவில் வளாகத்தில் கால்கோள் விழா நடந்தது. பெரியதடாகத்தில் லலிதாம்பிகை அம்மன் திருக்கோவில் உள்ளது. கும்பாபிஷேகத்தையொட்டி இக்கோவில் கற்கோவிலாக நிர்மானம் செய்யப்படுகிறது. இதற்கான கால்கோள் விழா நேற்று நடந்தது. நிகழ்ச்சிக்கு, ஆனைகட்டி ஆர்ஷ வித்யா குருகுல தலைமை ஆச்சார்யா சுவாமி சதாத்மானந்த சரஸ்வதி சுவாமிகள் தலைமை வகித்தார். லலிதாம்பிகை பீடம் சுவாமி ஜகதாத்மானந்த சரஸ்வதி சுவாமிகள் முன்னிலை வகித்தார். விழாவையொட்டி, கோவில் நிர்மாண அஸ்திவாராத்தில் பால், தண்ணீர் உள்ளிட்ட பல்வேறு மங்கள பொருள்கள் இடப்பட்டன. விழாவில், திரளான பக்தர்கள் கலந்து கொண்டனர்.