மதுரை;  கண்ணன் பிறந்த ஆவணி மாத ரோகிணி நட்சத்திரம், மற்றும் பிறந்த திதியான அஷ்டமியைக் கணக்கிட்டு கிருஷ்ணர் ஜெயந்தி விழா கொண்டாடப்படுகிறது. இன்று கிருஷ்ண ஜெயந்தியை முன்னிட்டு அனைத்து பெருமாள் கோயில்களிலும் சிறப்பு வழிபாடு நடைபெற்றது. மதுரை மற்றும் சுற்றுப்பகுதி கோயில்களில் நடைபெற்ற பூஜையில் ஏராளமான பக்தர்கள் வழிபட்டனர். திண்டிவனம் கனகவல்லி தாயார் சமேத லட்சுமி நரசிம்மர் கோவிலில் உள்ள பாமா, ருக்மணி சமேத கிருஷ்ணன் சிறப்பு அலங்காரத்தில் பக்தர்களுக்கு அருள் பாலித்தார். அவிநாசி, அடுத்த தெக்கலூர் சந்தான கோபால கிருஷ்ணர் கோவிலில் கிருஷ்ண ஜெயந்தி விழாவை முன்னிட்டு சிறப்பு அலங்காரத்தில் கிருஷ்ணர் அருள்பாலித்தார். பக்தர்கள் பரவசத்துடன் தரிசனம் செய்தனர்.