அவிநாசி: எம். நாதம் பாளையத்தில் எழுந்தருளியுள்ள பூவாத்தம்மன் கோவிலில் வருடாந்திர பொங்கல் விழா நடைபெற்றது.

அவிநாசி வட்டம், நம்பியாம்பாளையம் ஊராட்சிக்குட்பட்ட சுதந்திர நல்லூர் என்கிற எம்.நாதம் பாளையத்தில் எழுந்தருளியுள்ள பூவாத்தம்மன் கோவிலில் பொங்கல் விழா நடைபெற்றது. விழாவானது கடந்த 2ம் தேதி காப்புக்கட்டு, புண்ணியார்ச்சனை நிகழ்ச்சியுடன் துவங்கியது. இன்று நூற்றுக்கும் மேற்பட்ட பெண்கள் கோவில் வளாகத்தில் பொங்கல் வைத்தனர். அதன் பின்னர் அம்மனுக்கு சிறப்பு அபிஷேகம், அலங்கார பூஜைகள் நடைபெற்றது. நாளை (வியாழன்) மறுபூஜை மற்றும் மஞ்சள் நீராட்டு விழாவுடன் பொங்கல் விழா நிறைவு பெறுகிறது.  விழாவிற்கான ஏற்பாடுகளை தலைவர் ராஜாமணி செய்திருந்தார். பக்தர்களுக்கு அன்னதானம் வழங்கப்பட்டது.