பெரியகுளம்: பெரியகுளம் கோயில்களில் கிருஷ்ண ஜெயந்தி விழா கோலாகலமாக நடந்தது.

லட்சுமிபுரம் லட்சுமி நாராயணப் பெருமாள் கோயிலில் கிருஷ்ண ஜெயந்தியை முன்னிட்டு திருமஞ்சனம் நடந்தது. ஏராளமான பெண் பக்தர்கள் பூக்களால் கிருஷ்ணரை அலங்கரித்தனர். லட்சுமிபுரம் முக்கிய வீதிகளில் கிருஷ்ணர், ராதை வீதி உலா நடந்தது. பூஜைகளை அர்ச்சகர் ராமானுஜர் செய்திருந்தார். ஏராளமான பக்தர்கள் சுவாமி தரிசனம் செய்தனர். பெரியகுளம் தெற்கு அக்ரஹாரம், வடக்கு அக்ரஹாரம் உட்பட தாலுகா பகுதிகளில் வீடுகளில் கிருஷ்ணர் பாதம் வரைந்து, தங்களது வீட்டு குழந்தைகளை அதில் நடக்க வைத்து ரசித்து, மகிழ்ந்தனர்.