கோபால்பட்டி; கோபால்பட்டி அருகே வேம்பார்பட்டி பாலமுருகன் கோவில் கும்பாபிஷேக விழாவையொட்டி நடந்த மண்டல பூஜை விழாவில் ஏராளமான பக்தர்கள் கலந்து கொண்டு தரிசனம் செய்தனர். கோபால்பட்டி வேம்பார்பட்டி பாலமுருகன் கோவில் கும்பாபிஷேக விழா கடந்த ஆகஸ்ட் 23 நடந்தது. அதைதொடர்ந்து தினமும் முருகனுக்கு சிறப்பு அபிஷேகம் மற்றும் அலங்கார பூஜைகள் நடந்தது. நேற்று கும்பாபிஷேக விழா 48ம் நாள் மண்டல பூஜை நடந்தது. இதில் கோவில் முன் அமைக்கப்பட்ட யாக குண்டத்தில் கணபதி ஹோமம், சுதர்சன ஹோமம், தன்வந்திரி ஹோமம், மஹாலக்ஷ்மி ஹோமங்கள் நடைபெற்று. விழா ஏற்பாடுகளை கோவில் அறக்காவலர்கள் சுஜாதா, அரவிந்தன், பூர்விகா,விக்னேஷ் குமார் மற்றும் பூசாரி சுப்புராம் உள்ளிட்டோர் செய்திருந்தனர்.அன்னதானம் நடந்தது. இதில் கோபால்பட்டி, வேம்பார்பட்டி, அய்யாபட்டி சுற்றுப்பகுதி மக்கள் ஏராளமானோர் கலந்து கொண்டனர்.