மயிலாடுதுறை: மயிலாடுதுறையில் தருமபுரம் ஆதீன வேத சிவாகம பாடசாலை ஆசிரியர் மற்றும் மாணவர்கள் பாடிய கணபதி தாளத்திற்கு ஏற்றவாறு தலையை ஆட்டி நாட்டியமாடிய சமயபுரம் யானை:- வாட்ஸ்-அப்பில் பரவும் வைரல் வீடியோ:- மயிலாடுதுறை மாவட்டம் மயிலாடுதுறையில் பழைமைவாய்ந்த தருமபுரம் ஆதீனத்திருமடம் உள்ளது. இங்கு புதிதாக கட்டப்பட்டுள்ள ஞானப்பிரகாச விநாயகர் கோயில் கும்பாபிஷேகத்தை முன்னிட்டு, திருச்சி சமயபுரத்தில் இருந்து தனியாருக்கு சொந்தமான சுமித்ரா என்ற பெண் யானை தருமபுரம் ஆதீன மடத்திற்கு கொண்டுவரப்பட்டது. மகா கும்பாபிஷேக விழாவின் மூன்றாம் கால யாக பூஜையின்போது தருமபுரம் ஆதீன வேத சிவாகம பாடசாலை ஆசிரியர் மற்றும் மாணவர்கள் பாடிய கணபதி தாளத்திற்கு ஏற்றவாறு யானை சுமித்ரா தன் தலையை ஆட்டி நடனமாடியது பக்தர்களை வெகுவாக கவர்ந்தது. இந்த வாட்ஸ்-அப் வீடியோ சமூக வலைதளங்களில் வைரலாக பரவி வருகிறது.