கம்பம்; சபரிமலை சாஸ்தாவை தரிசிப்பதற்காக சீசன் துவங்கியதில் இருந்து வாகனங்கள் அணிவகுத்து செல்ல துவங்கி உள்ளன.

சபரிமலை ஐயப்பன் கோயிலிற்கு கார்த்திகை மாதம் முதல் தேதி மாலை அணிந்து விரதத்தை துவக்குவார்கள். 48 நாட்கள் கடும் விரதத்திற்கு பின்னர் சபரிமலைககு செல்வார்கள், கார்த்திகை மாதம் கோயிலில் கூட்டம் அதிகம் இருக்காது. மார்கழி, தை மாதங்களில் மண்டல பூஜை, மகர ஜோதியை பார்க்க லட்சக்கணக்கில் திரள்வார்கள். ஆனால் கடந்த இரண்டு ஆண்டுகளாக கொரோனா காரணமாக சரியாக கூட்டம் இல்லை. ஆனால் இந்தாண்டு கார்த்திகை முதல் நாளிலேயே கோயிலில் கூட்டம் கட்டுக்கடங்காமல் இருந்துள்ளது. கார்த்திகை முதல் நாள் முதல் அதிக வாகனங்கள் சபரிமலைக்கு செல்கின்றன. கர்நாடகா, ஆந்திரா, தெலுங்கானா, புதுச்சேரி மாநில பதிவெண் கொண்ட வாகனங்கள் இரவ முழுவதும் சென்று கொண்டிருக்கின்றன . தற்போத பகல் நேரங்களிலும் அதிக வாகனங்கள் செல்கின்றன. அதே போல பாதயாத்திரை செல்லும் பக்தர்களும் அதிக எண்ணிக்கையில் செல்வதால் போலீசார் வாகன ஒட்டிகளை எச்சரித்து வருகின்றனர். கம்பத்தில் ஒரு வழிப்பாதையாக கம்பமெட்டு ரோட்டில் திருப்பி விடுகின்றனர். கம்பமெட்டிலிருந்து பெரும்பாலான வாகனங்கள் புத்தடி, அணைக்கரை வழியாக குமுளி சென்று, வழக்கமான ரோட்டில் செல்கின்றனர். இதுவரை இல்லாத அளவிற்கு வாகனங்கள் சபரிமலையை நோக்கி செல்கின்றன.