கிருஷ்ணகிரி: கிருஷ்ணகிரியில் உள்ள மிலாது நபி இஸ்லாமிய இளைஞர் அமைப்பு ஒவ்வொரு ஆண்டும் விநாயகர் சதுர்த்தி விழா மற்றும் ஐயப்ப பக்தர்களுக்கு பூஜை பொருட்கள், அன்னதானம் வழங்கி வருகின்றனர். 6வது ஆண்டாக இந்தாண்டும் அன்னதானம் வழங்கப்பட்டது. கொட்டாவூர் ஐயப்ப சுவாமி கோயிலில் நடந்த சிறப்பு பூஜையில், வழிபாட்டுக்குத் தேவையான பூஜை பொருட்களை அமைப்பின் தலைவர் அஸ்லாம் ரஹ்மான் ஷெரிப் தலைமையில் வழங்கினர். தொடர்ந்து ஏராளமான முஸ்லிம்கள் இளைஞர்கள் பங்கேற்று பக்தர்களுக்கு அன்னதானம் பரிமாறினர். மத நல்லிணக்கத்தை வலியுறுத்தி நடைபெற்ற வழிபாட்டில் ஏராளமானோர் பங்கேற்றனர்.