காரைக்குடி; குன்றக்குடி மற்றும் காரைக்குடி கோயில்களில் புத்தாண்டை முன்னிட்டு சிறப்பு வழிபாடு நடந்தது.

குன்றக்குடி சண்முகநாதப் பெருமான் கோயிலில் மாவட்டத்தின் பல்வேறு பகுதிகளில் இருந்தும் வந்து பக்தர்கள் தரிசனம் செய்தனர். காரைக்குடி கொப்புடைய நாயகியம்மன், மீனாட்சிபுரம் முத்துமாரியம்மன் கோயில், நகர சிவன் கோயில், டி.டி. நகர் விநாயகர் கோவில், செக்காலை நகரச் சிவன் கோயில், கண்டனூர் செல்லாயி அம்மன் கோயில், மாத்தூர் பெரியநாயகி அம்பிகை உடனுறை ஐநூற்றீஸ்வரர் கோயில், சூடாமணிபுரம் ராகவேந்திரர் கோயில், செக்காலை சக்தி விநாயகர் கோயில் உட்பட அனைத்து கோயில்களிலும் அதிகாலை முதலே சிறப்பு அபிஷேக ஆராதனைகள் நடந்தது. காரைக்குடி மட்டுமின்றி சுற்றுவட்டாரத்தை சேர்ந்த ஏராளமான பக்தர்கள் தரிசனம் செய்தனர்.