செஞ்சி; செஞ்சிக்கோட்டை வீர ஆஞ்சநேயர் கோவிலில் நடந்த புத்தாண்டு வழிபாட்டில் ஆயிரக்கணக்காண பக்தர்கள் சாமி தரிசனம் செய்தனர்.

செஞ்சிக் கோட்டை வீர ஆஞ்சநேயர் கோவிலில் ஆங்கிலப் புத்தாண்டை முன்னிட்டு சிறப்பு வழிபாடு நடந்தது. இதை முன்னிட்டு நேற்று வீர ஆஞ்சநேயருக்கு சிறப்பு திருமஞ்சனம் நடந்தது. தொடர்ந்து ராஜ அலங்காரம் செய்தனர். இன்று காலை 6 மணிக்கு மகா தீபாராதனையுடன் தரிசனம் துவங்கியது. மாலை 6 மணிவரை நீண்ட வரிசையில் நின்று பக்தர்கள் சாமி தரிசனம் செய்தனர். பக்தர்களுக்கு  அன்னதானம் வழங்கப்பட்டது. விழா ஏற்பாடுகளை செஞ்சிக்கோட்டை வீர ஆஞ்சநேயர் கோவில் வழிபாட்டு குழுவினர் , அருணாச்சலேஸ்வரர் கோவில் திருப்பணி குழுவினர் மற்றும் செஞ்சி நகர பொது மக்கள் செய்திருந்தனர். செஞ்சி டி.எஸ்.பி., கவீனா தலைமையில் 200 க்கும் மேற்பட்ட போலீசார் பாதுகாப்பு பணியில் ஈடுபட்டனர்.