நரசிம்மர் ஜெயந்தி; பூவரசன்குப்பம் லட்சுமி நரசிம்மர் கோவிலில் சிறப்பு யாகம்
எழுத்தின் அளவு:
பதிவு செய்த நாள்
22மே 2024 04:05
விழுப்புரம்; பூவரசன் குப்பம் அமிர்தவல்லி நாயகா சமேத லட்சுமி நரசிம்மர் கோவிலில் நரசிம்மர் ஜெயந்தியை முன்னிட்டு சிறப்பு யாகம் நடந்தது.
பூவரசன்குப்பம் லட்சுமி நரசிம்மர் கோவிலில் நரசிம்ம ஜெயந்தியையொட்டி, இன்று சிறப்பு ஹோமம் நடந்தது. சிறுவந்தாடு அடுத்த பூவரசன்குப்பம் லட்சுமி நரசிம்மர் கோவிலில், நரசிம்மர் ஜெயந்தி மற்றும் சுவாதி நட்சத்திரத்தையொட்டி, இன்று காலை 6:00 மணிக்கு மூலவர் பெருமாளுக்கு சிறப்பு திருமஞ்சனம் நடந்தது. தொடர்ந்து, 9:00 மணிக்கு சிறப்பு ஹோமம் துவங்கியது. இதில் நரசிம்மர், சுதர்சன, தன்வந்திரி, பஞ்சசுத்த, கருட மந்திரங்கள் ஜெபிக்கப்பட்டது. பகல் 12:00 மணிக்கு வசுத்தரா ஹோமமும், 12:30 மணிக்கு மகா தீபாராதனையும் நடந்தது. அதிகாலை முதல் ஏராளமான பக்தர்கள் சுவாமி தரிசனம் செய்தனர். ஏற்பாடுகளை தலைமை அர்ச்சகர் மற்றும் பூவரசன்குப்பம் கிராம வாசிகள் செய்திருந்தனர்.